quarta-feira, maio 14, 2008

Rendistas


A minha irmá enviou-me esta foto num correio. O cartaz resume, num tom irónico, seguramente sem vontade de faze-lo, qual é a situaçom dos locais que albergam pequenos negócios na cidade de Ferrol. Os rendistas desta cidade som os que fam o agosto. Sabem que onde se aluga, ao pouco se fecha. Neste tempo é difícil competir coas grandes superfícies. Mas nom é problema, onde se fecha ao pouco se aluga, sempre hai alguém que o vai intentar, ainda que desista aos poucos meses. Mentres, os alugueres de escândalo vam enchendo as suas bolsas. Nom podemos esquecer o pequeno detalhe de que em muitas ocassons estes locais nom estam dados de alta ou carecem do estudo de seguridade, ou proxecto técnico correspondente, é dizer, pouca inversom, todo ganho. Concluindo, algum dia alguém escribirá a história dos rendistas de Ferrol, esses ferroláns de pro, e também algumha ferrolá, que coa sua avaricia asfixiarom muito do futuro desta cidade envelhecida.

---

Nenhum comentário: