quarta-feira, janeiro 18, 2012

Fraga fai um último serviço à direita


Fraga cubriu coa súa morte, umha última folha de serviço à dereita. À que o acompanhou ao longo de toda a súa vida, primeiro com forma de dictadura fascista, e máis tarde como forza constritora dum proceso democrático nom completado.

Fraga fai este serviço, pechando essa folha impecável que mesmo inclue responsabilidade em assassinatos, torturas, desapariçom e tráfico de pessoas... do que nunca respondeu.

Nos últimos renglons ficara escrito para sempre " e morreu coincidindo co julgamento do juiz que pretendia investigar os crimes do fascismo, actuando como um tsunami informativo".

Hoje assistimos um dia mais ao paradojo de ver a todas as instituiçons do estado, aos médios de comunicaçom, e a dirigentes políticos, alavando a quem deveria estar no banquinho dos acusados respondendo dos seus crimes. O juiz Baltasar Garzón ocupa o seu lugar por iniciativa dumha organizaçom fascista cuxas denuncias forom tomadas em conta polos tribunais. Uns tribunais que estám desoindo o chamado de Justiça, que também hoje lançavam associaçóns de familiares, vítimas dumha rede que facia desaparecer bebes desde a década dos corenta, para entregalos a famílias do Régime. Esses pequenos ataúdes baleiros, atopados hoje em Gasteiz, som o símblo do modelo democrático que se nos impuso à cidadania e aos povos. Umha democrácia baleira, de direitos roubados, de mentiras e sofrimentos. Nom vai ser com maiúsculas que a história escribirá o nome de Fraga para as novas geraçons. Hoje é a sombra dum juiz acusado de perseguir a verdade, e esses pequenos ataúdes baleiros que nos falam de vidas roubadas...E manhá, passado e mais um dia mais, serám outras sombras, outros baleiros os que seguiram denunciando e clamando Justiça polos crimes do fascismo.

---

Um comentário:

Ricardo Souto Morano disse...

Gústame moito este comentario de Fraga, por que pon as cousas no seu lugar, os fexistas son feixistas dende que nacen ata que morren, pero parece que foi o clochón de España e de Galicia tamén, e é certo que o foi, pero dos faciofrancofalangascistas os que a dia de hoxe ainda apestan España, e nos postos estratexicos que nunca deixaron